The General

Man ekki hvort þetta myndin sem við sáum næst en þetta kemur allt, í einhverri röð allaveganna.

The General.

Þetta er svarthvít ganabnynd sem fjallar um Suðurríkja-mann sem er hrifinn af stúlku en hún vill að hann skráir sig í herinn. En þar sem hann er einhverskonar verkfræðingur, man ekki alveg, fær hann ekki að skrá sig. Hann lendir svo í mörgum óhöppum þegar lestinni hans er rænt.

Fannst myndin alger snilld Hún var mjög vel leikin, aðaleikarinn, og tókst honum að skila sínu frábærlega án þess að ýkja viðbrögðin.

Nánast á hverri mínútu skeði e-ð fyndið sem hægt var að hlæja að. Þá er ég ekki að tala um svona hlátur þegar einhver rennur á banahýði heldur svona hlátur sem maður fær illt í magan af :).

Hlýtur samt að hafa verið mega mál að taka þessa mynd upp, ef e-ð klikkaði þurfti að bakka lestinni etc. Fannst nokkur atriði standa upp úr í því samhengi; Atriðið þegar hann hendir spýtunni á aðra sem var á lestarteinunum, þegar flokkur Norðanmanna fór framhjá honum og hann tekur ekkert eftir þeim og svo að sjálfsögðu atriðið þar sem brúin sprakk og lestin fór ofan í ána.

Mæli hiklaust með að allir sjái hana!

Veðramót, myndin og leikjstjórinn í tímann.

Já emh hef bara alls ekki nennt að blogga upp á síðkastið, er ekki mikill blogg maður en ætla að vera duglegur í þessari viku (líka að styttast í próf).

En aftur að Veðramótum.

Myndin fjallar um par og vin þeirra sem taka að sér betrunarhæli út á landi. Staðurinn er bóndabær að nafni Veðramót. Í stuttu fer allt til fjandans.

Fannst myndin flott, vel gerð og fannst gamli tíminn koma flott út. Söguþráðurinn var fínn og hélt sínu striki bara nokkuð vel. Fannst þó tvennt pirra mig rosalega!

Nr.1. Stelpan þarna sem kom síðast, man ekki nafnið :P, reykti augljóslega ekki. Fór rosalega í taugarnar á mér hversu gervilegar reykingarnar hennar voru :/.

Nr.2. Af hverju í ósköpunum festu þau sleðan á bílinn og svo notaði ekkert þeirra hann? Ok, fyrir kannski utan þá ástæðu að þá væri erfiðara að gera atriðið þar sem ísinn brotnaði og bílinn fór niður.

Guðný, leikstjóri kom svo í tíma til okkar. Hefði átt að spyrja hana út í þetta með sleðann en jæja. Allavega fannst frekar mikill munur á henni og Gunnari leikstjóra Astrópíu. Gunnar fannst mér vera meira svona gera þetta að ástríðu, miklu spenntari yfir öllu, gæti líka bara hafa verið slæmur dagur hjá henni.

Ekki meira um þetta. NEXT!

Stuttmyndadagar

Stuttmyndadagar voru í síðustu viku. Ég var með Andrési , Birki, Einari og Óskari í hóp. Við vorum e-ð búnir að pæla í hugmyndum dagana á undan en eiginlega ekkert kom upp út úr því, nema að þetta ætt að vera um búálf :). Ferlið í heild sinni gekk ágætlega, fengum myndavélina reyndar soldið seint en hefði skipt litlu máli því við tókum aldrei hvítt, vorum með á "auto" allan tímann :P og svo var OSI á og ég hreyfði myndavélina til hliðar :(, fattaði það ekki fyrr en eftir á. Skemmtilegt að segja frá því að Ásgeir úr 6.X var nemi í stofunni í byrjuninni en þegar hlaupið var framhjá Regnboganum var Einar kominn inn í staðin og svo þegar komið var í kjallarann var Birkir horfinn en ég fyllti í skarðið.

Myndirnar/trailerinn voru allar nokkuð góðar en mér fannst myndin sem Bóbó & co gerðu vera best :).

Er á leiðinni á veðramót eftir 2klst og blogga um hana rétt á eftir :)

American Movie

Fannst þetta rosalega skrítin mynd. Hún er heimildarmynd fjallar um gaur, Mark sem hefur alla sína tíð dreymt um að gera stórmynd. Hann byrjar um 1990 að taka skipuleggja tökur á Northwestern en vegna skorts á pening ákveður hann að gera aðra ódýrari mynd, Coven. Vert er að taka fram að hann tekur þetta allt upp á myndavél sem er eldgömul, tekur upp í svarthvítu og frændi hans er aðal framleiðandinn.

Mark, Mike og gamli frændi Mark eru frábærar persónur og hefði ég ekki vitað að þessi mynd hefði verið heimildarmynd hefði ég varla trúað því að þetta væri alvöru. Þessir þrjár persónur eru þær ótrúlegustu sem ég hef séð á minni stuttu ævi.

Mæli með að fólk sjái þessa mynd því hún er mjög fyndin og skemmtileg.

The Bridge

Ég fór á "The Bridge" um dagninn á vegum græna ljóssins, sem er algert shit að mínu mati því ég borgaði 100kr meira fyrir miðann, og myndin byrjaði c.a. 10 mín of seint vegna auglýinga sem eiga að vera færri og það var ekkert hlé. Mér er reyndar sama hvort það sé hlé eða ekki, finnst ágætt samt að hafa það, gefur manni tíma til að ræða um myndina í hléi.

Myndin er heimildarmynd sem fjallar um sjálfsmorð á Golden Gate brúnni, sem voru alls 24 árið 2004. Tek það fram að myndin er ekki leikin. Fannst rosalegt að sjá fólkið hoppa af brúnni og lenda í ánni, og hugsa um að þetta er persóna, sem á ættingja og vini, svipta sig lífi. Hef persónulega aldrei séð annað eins áður. Rætt er við fjölskyldur þeirra látnu og hugsanlega aðdraganda að sjálfsvígunum. Verð reyndar að viðurkenna að ég sofnaði yfir myndinni, var dauðþreyttur og myndin byrjaði 10:30, og var þetta í fyrsta skipti sem ég hef sofnað/dottað í bíói.

Pældi rosalega lítið í umgjörð myndarinnar svo get lítið sagt um það, annars ágætis mynd.

Astrópía

Ég fór á Astrópíu á föstudag með vonir um góða mynd þar sem hún hafði fengið 4 stjörnur. Ég varð ekki fyrir vonbrigðum. Þótt myndin sé lengi að byrja skemmir það ekki fyrir. Sögurþráðurinn er öðruvísi en við erum vön í íslenskum bíómyndum, allaveganna það sem ég hef séð, en hann er mjög skemmtilegur. Ég hélt að atriðið þar sem þau eru að spila og síðan hrynja veggirnir væru vel gert "greenscreen" atriði en þegar Guðmundur sagði okkur í dag að það hefði verið á tökustað fannst mér það alger snilld, mjög flott sena. Leikur allra var nokkuð góður, Davíð Þór, Sveppi og Pétur frekar "solid", en hinir voru mjög góðir líka, kom mér á óvart hve Ragnhildur var góð.

Eins og við komumst að í morgun er mikil vinna búin að fara í þessa mynd og datt ekki í hug að hún allt ferlið hefði verið um 6 ár þar sem ég heyrði fyrst af henni þegar byrjað var að auglýsa, hugsanlega vegna þess að ég bý víst í helli.

Allavega ágætis mynd sem ég mæli með að fólk sjái.